Мапирани се повеќе од 3,000 мозочни ќелии- ова помага за тоа како ги третираме болестите.

Научниците објавија дека ги мапираа повеќе од 3,000 видови на мозочни ќелии како дел од атласот на човечкиот мозок. Ова може да помогне за тоа како ги третираме болестите.

Мозочните ќелии служат како градбени блокови на секоја мисла, чувство и физичка акција што некогаш сме ја имале - и сепак, мозокот е сè уште нашиот најмистериозен орган. Сега, научниците можеби имаат нов увид во оваа црна кутија.

На 12 октомври, научниците објавија дека ги мапирале повеќе од 3,000 видови на мозочни ќелии како дел од атласот на човечкиот мозок кој беше објавен во 24 различни трудови преку 3 научни списанија. Со создавањето на атласот на човечкиот мозок, научниците можат да ги идентификуваат начините на кои човечкиот мозок се разликува од другите животни - вклучувајќи ги и нашите најблиски живи роднини, другите примати како шимпанзата.

Мапата исто така ќе им помогне на истражувачите да разберат како човечкиот мозок може да се менува со времето, колку е сличен мозокот на една личност со другата, и зошто некои луѓе развиваат состојби како депресијата и Алцхајмер.

Истражувањето беше финансирано од Националните институти за здравство, и започна во 2017 година како дел од Иницијативата за истражување на мозокот преку напредни иновативни невротехнологии Иницијативата за попис на ќелиите.

Вкупно, мозокот е составен од 170 милјарди ќелии, вклучително 86 милјарди неврони. Можеби е „најкомплексниот физички објект што го знаеме во вселената до сега“, изјавил Хенри Грили, професор по право на Универзитетот Станфорд.

Се верува дека ова откритие може да помогне во откривањето на третмани за невролошки пореметувања, вклучително Алцхајмеровата болест, аутизмот и депресијата.